![[info]](http://l-stat.livejournal.com/img/userinfo.gif){kind=small}
chris_gomelOriginally published at Chris. You can comment here or there.
ххх: зараз вельмі смешна ўспамінаць, як мы пачыналі працаваць на кампутарах
ххх: тады было прыкладна так: зробіш нейкі тэкст, а ён раптам знік. тэлефануеш тэхнічнаму дырэктару: леша, што рабіць? а ён кажа: націсні, напрыклад энтер. а я кажу: Лёша, ты не умнічай, а скажы, якую пімпачку па ліку злева ці справа клавіятуры
ххх: адзінае, што выбачае — мабыць
было гэта ажно ў 1991 годзе — страшна падумаць
chris_gomelOriginally published at Chris. You can comment here or there.
Ролік: першы блін камяком. Паглядзела толькі 3 урока па афтэрэфекту з 10, не стрымалася і ўдарылася ў практыку. Водгукаў ня трэба: ведаю, што не ахці :) Але ... +1 у капілку скілоў, цяпер толькі шліфаваць тэхніку :)
Узрадуйцеся, творчыя і крэатыўныя: у Менск едзе сшытак для маляваньня-калажаў-дызайну і поўнага адрыву душы на белых старонках!
Праект Яны Франк (ага, той самай!) называецца “Выратуй сваю музу”. Спачатку яно, можа, выглядае мастацкім закосам пад буккросінг, і наўскідку немагчыма ацаніць маштабаў клёвасьці праекту, але паслухайце маленькую таленавітую мастачку Лару – яна вам скажа болей, чым FAQ на сайце.
chris_gomelOriginally published at Chris. You can comment here or there.
Насамрэч, гэта было знята яшчэ ў верасні, рабілася доўга ў вольны ад працы час (такое сапраўды бывае! замест сна О_о ;)), і дарабілася ўжо — оў-оў! — ажно 2 тыдні таму, а ў мяне ўсё не даходзілі рукі запосціць вынік! Ну, на ютубе ды вімеа яно ўжо даўно вісіць, але ж...
Фактычна гэта чацьвёртае зробленае ад пачатку да канца відэа, пятае змантаванае. Самай жэсьцю быў таймлайн у 10 хв (каб ютуб схаваў!) і падгонка гуку з дыктафона пад відэашэраг. Затое пракачалася не на жарт, ага. Эдзіюс харош, безумоўна, але штосьці падмывае з яго саскачыць. Напэўна тое, што я паняцьця не маю, як яго настроіць да рабочага стану на любым іншым кампе, бо мне з усталёўкай дапамагаў той, хто вучыў.
Атрымаўся нейкі полуфільм-полукліп, фіг паняць. Трэба выпрацоўваць стыль ролікаў. Але пакуль няма камеры, пастаянна страляць на здымкі і прасіць адлічбаваць касеты падзадаўбала. Але я ў працэсе вырашэньня гэтай праблемы ;) Усё! Глядзіце! Чакаю крытыкі і ўсётакое.
chris_gomelOriginally published at Chris. You can comment here or there.
Чуецца сэрцам ды нэрвамі, апантаныя мікраблогеры шмат каго ўжо давялі да апошняй стадыі агідлівай нянавісьці. Замест кніжак у траліках ды ўборных чытаюцца твіты, замест узбураных званкоў сябрам пішуцца CapsLock’aвыя твіты, твіты ядуцца на абед, твітамі высіраюцца і твітамі ж падціраюцца. Але, як бы ты ні запырскваў інтэрнэт-гікаў сьлінай сваіх аргумэнтаў, у недалекай будучыні і табе прыйдзецца далучыцца да мікраблогерскай касты – інакш будзе нельга.
Усе ж такі неяк няёмка юзаць сэрвіс, які некалі таптаў нагамі… Дзякуй Інтэрнэту, ёсьць шмат альтэрнатываў ці, калі хочаш іх так назваць, “пратэстаў” Твітэру.
“Пагаўкацца” на яго можна ў макраблогу Woofer. Гэта фіча для, тых, хто ня ўмее пісаць мэсэджы карацей за 1400 сымбаляў. Паглядзеўшы на дызайн і функцыянал сайту, непазьбежна азадачышся пытаньнем: гэта што, Twitter? Адказ на яго вельмі канкрэтны і знаходзіцца тут .
chris_gomelOriginally published at Chris. You can comment here or there.
Лагвінец набірае маладняк на курсы! Спяшайцеся!
Я асабіста займалася год: у галаве дадалося шмат цікавай інфы, шкада, я збочыла ў бок журналістыкі, а калі б займалася чым больш сур'ёзна-афіцыёзным, мне б гэтыя веды яшчэ і на практыцы прыдаліся. Хаця... хто ведае, усё ж яшчэ толькі пачынаецца ;) Заняткі праводзяцца на беларускай-ангельскай-французскай, розныя тэксты прыходзілася чытаць у арыгінале: і лічу гэта было вельмі крута, нашмат лепш, чым розныя там пераклады блізка да тэксту. І сам спадар Алесь — чалавек вельмі прыемны, разумны і камунікабельны, з ім было заўжды цікава і проста. Таму джойн усе тыя з вас, у каго ёсьць адзін вольны вечар на тыдзень, заняткі ў цэнтры Менска.
chris_gomelOriginally published at Chris. You can comment here or there.
Не магу трымаць эмоцыі ўнутры. Набыла (хоць і не планавала на бліжэйшую будучыню, так атрымалася) фотазаплечнік ізраільскай фірмы KATA: гэта было замілаваньне з першага позірку, я не змагла прайсьці міма і пакінуць яго вісець далей самотна ў той краме. Такія рэчы, як правіла, і становяцца праз некаторы час самымі ўлюбёнымі і «шчасьлівымі»!
chris_gomelOriginally published at Chris. You can comment here or there.
Конкурс “Як добра ты ведаеш ЕС?” стартуе 21 кастрычніка і прымеркаваны да правядзення Беларускага Еўрапейскага Форуму, які адбудзецца ў Мінску 14 лістапада 2009 году.
Да ўдзелу ў конкурсе запрашаюцца усе, хто хоча спраўдзіць свае веды пра Еўрапейскі Саюз, яго гісторыю, інстытуцыі і сучасныя працэсы і даведацца болей, выйграўшы вандроўку ў адну са сталіцаў краінаў аб’яднанай Еўропы.
Конкурс “Як добра ты ведаеш ЕС?” пройдзе ў два этапы. На першым этапе удзельнік павінен адказаць на пытанні тэста. Па выніках першага этапу будзе адабрана 12 удзельнікаў, якія набяруць максімальную колькасць балаў. У выпадку, калі колькасць балаў будзе роўная, вырашальнае значэнне будзе мець час адказаў на пытанні тэста.
Пераможцы першага этапу конкурсу, праз электронную пошту і СМС рассылку, не пазней як за 2 дні, будуць запрошаныя да ўдзелу ў другім туры, які адбудзецца 8 лістапада ў Мінску. Пераможцы другога тура будуць вызначаныя кампетэнтным журы ў часе інтэлектуальнай гульні.
Урачыстая цырымонія ўзнагароджання пераможцаў конкурсу пройдзе 14-га лістапада 2009 года на Беларускім Еўрапейскім Форуме.
chris_gomelOriginally published at Chris. You can comment here or there.
У твітэры нехта напісаў пра «суперпрыгожа запакаваную кніжачку з vilka.by», і я машынальна адчыніла сайт, каб не даведвацца пра самае лепшае апошняй :) Дык вось, аказалася, што абсалютна выпадкова мне жахліва спадабаўся сайт-задумка-афармленне-асартымент, ну і, доўга не думаючы, я вырашыла замовіць кніжку, якую некаторыя творчыя сябры мне ўжо дагэтуль інтэнсіўна раілі і нават скідвалі жахліва адфотканую версію, якую было немагчыма чытаць. Да таго ж, моцна захацелася патрымаць у руках новую, не чытаную яшчэ нікім кніжку, адчуць пах фарбы, ну, ведаеце, як гэта бывае... У выніку, праз некалькі дзён я ўжо трымала ў руках свой цуд:
Што я думаю на гэты конт
chris_gomelOriginally published at Chris. You can comment here or there.
Я ня ўмею пісаць глыбока тэматычныя пасты. Вось і зараз: хацела напісаць уражанні ад кніжкі, а атрымліваецца нейкая каша.
Аналізую жыццё: аказваецца, блог памірае тады, калі прыходзіць твітэр. Я пішу ў яго нашмат больш часта, чым сюды. Нашмат больш верагоднасці, што я напішу адно і тое ж і туды, і сюды. Рэдка наадварот. Зараз... міма мяне прайшла восень. Восень, якую я заўжды адчувала мацней за ўсе астатнія сезоны. Захварэла, шмат часу праводжу indoors, упершыню за доўгі час я здавала набытыя квіткі на цягнік... Не скажу, што гэта моцна мяне расстрайвае, але і не суцяшае дык дакладна. Сагравае душу толькі тое, што я дакладна ведаю, калі да мяне прыйдзе лакальнае лета! Зусім мала бачуся з сябрамі: на іх проста не хапае сіл, бо праца дапазна і аб'ектыўна як можна «зваліць з працы параней» я слаба ўяўляю. Такое магчыма хіба тады, калі праца — нелюбімая. Але ўжо на наступным тыдні збіраюся па чарзе бачыцца з усімі, хто ўжо даўно мяне тузае ў скайпу/фэйсбуку/гуглтоку і рэзонна крыўдзіцца :)
chris_gomelOriginally published at Chris. You can comment here or there.
Медыя-студыя «ПОСТ» запрашае да ўдзелу ў адукацыйнай праграме «Правы чалавека і медыя-сродкі». Праграма ўключае ў сябе:
chris_gomelOriginally published at Chris. You can comment here or there.
Слухаю тое, што робіцца зараз за вакном — і становіцца страшна, паўстаюць розныя думкі пра Каўчэг, паварот васі, ляднікі і Настрадамуса г.д.
Але ж... ёсьць на планеце мясціны, дзе людзі прывыкаюць да дажджу, даюць яму разгуляцца ў поўную моц, ён ліе там ледзь не паўгады у дадатак да розных там жыцьцёвых турбот і цунамі... Простая жывёлка — чалавек, прывыкае да чаго заўгодна: мы — да радыяцыі, а Тайланд — да дажджоў.
У поўным росквіце стыхію дзякуй богу не засталі, але ж паспелі паглядзець знутры, як ён пачынаецца, мусонны перыяд. У канцы паста — гук мусоннага дажджу. Такі вельмі гарманічны для той атмасферы гук, якога ўжо на 3ці дзень і не заўважаеш. Ліе і ліе. Добра, што хоць цёпла.
chris_gomelOriginally published at Chris. You can comment here or there.
17 лістапада споўніцца 20 гадоў з таго моманту, калі з гвалтоўнага разгону студэнцкай дэманстрацыі ў Празе пачалася «аксамітная» рэвалюцыя і падзенне камунізму ў тагачаснай Чэхаславаччыне.
З гэтай нагоды міжнароднае аб’яднанне «Грамадзянская Беларусь» запрашае ў Прагу двух беларускіх журналістаў. На працягу пяці дзён (прыкладна 13 — 18 лістапада 2009 г.) яны будуць мець магчымасць рыхтаваць журналісцкія матэрыялы (рэпартажы, апытанні, інтэрв’ю, фотаздымкі) пра тое, як у горадзе праходзіць святкаванне, а таксама як ацэньваюцца тыя палітычныя змены, што адбыліся за дваццаць гадоў.
chris_gomelchris_gomelOriginally published at Chris. You can comment here or there.
Для мяне заўсёды шмат значыла беларуская музыка і яшчэ больш хвалявала якасная беларуская музыка. Беларусы, недабеларусы і прадстаўнікі розных ступеняў замежжа! Хачу прадставіць вам цудоўны гурт «Бэнд А», і хто дагэтуль блытае іх з «Б.Н.» ці яшчэ там з чым, вось вас шанец расставіць усе кропкі над ё.
chris_gomelOriginally published at Chris. You can comment here or there.
Хутка на нашых экранах, так бы мовіць :) Трэба зазіраць на крок наперад! Хай вось гэты канкрэтны дэвайс зараз у нас не юзаецца, але пройдзе мо які годзік ці два — і вось паглядзіце!
Картка Eye-Fi — гэта першая бесправадная картка памяці фармату SD для фотаздымачоў. Яна гэтак жа, як і простыя SD-карткі захоўвае фота і відэа, але самае галоўнае: яна робіць вашую камеру бесправадным дэвайсам для выхада ў інтэрнэт :).
chris_gomelOriginally published at Chris. You can comment here or there.
Учора было афіцыйнае адкрыцьцё першай у Менску галерэі сучаснага мастацтва — галерэі «Ў». Мой стан добра ахарактарызавала выпадковая фраза мінакоў, якія праходзілі ўчора паўз будынак: «Я ўвогуле не думала, што ў Беларусі такое МОЖА БЫЦЬ!»
Учора на Незалежнасьці 37а быў адкрыты партал у нейкі не па-беларуску цывілізаваны сьвет: столькі гламура і прадстаўнікоў бізнэс-эліты ў адным месцы я, напэўна, яшчэ нідзе ў Менску не бачыла! Арганізатары малайцы: вельмі спадабалася, што была арганізаваная нейкая праграма і звонку, і ўнутры, бо людзей было вельмі шмат, нават ня гледзячы на тое, што ў вечар адкрыцьця пускалі выключна па запрашэньнях.
У галерэі я налічыла 5 тэматычных пакойчыкаў: галоўная заля, кнігарня, кавярня, псіхадэл-пакойчык і маленькая выставачная заля. Дарэчы, дагэтуль не магу ў галаве суаднесьці тое памяшканьне, дзе мы нядаўна ладзілі 34 Faces і тое, што я пабачыла пры адкрыцьці. Усё вельмі! Бездакорна! І я неверагодна шчасьлівая, што нарэшце мы яшчэ на крок наблізіліся да цывілізаванай не-саўковай Беларусі!
chris_gomelOriginally published at Chris. You can comment here or there.
Камрад alhifizik падзяліўся ранішняй каляровай радасьцю: пашукавік па колерах у Флікры! Гуляцца проста казачна цікава: справа можна абраць да 10 колераў, якія будуць уключаныя ў фатаздымкі, якія адлюстроўваюцца пасля пошуку. Суперкаляровы вэб-тул!
chris_gomelOriginally published at Chris. You can comment here or there.
ІББшны сэмінар здзіўляе цікавасцю і шматбаковасцю. А яшчэ тут вельмі клёвыя трэнеры! Мы ўсе ўжо раззнаёміліся і ўсьміхаемся адно аднаму, што ў цэлым рэдкасць на сэмінарах у Беларусі, імхо. Мы «праходзілі» twitter, friendfeed, delicious, soundcloud, а ўчора, як можна здагадацца, flickr падарыце мне нехта платны акаўнт
Напэўна, я не буду злоўжываць гэтым часта ў блогу, але сённяшняе заданне — слайдшоў :)
chris_gomelOriginally published at Chris. You can comment here or there.
У хуткім часе адбудзецца міжнародная канферэнцыя ў Гданьску, дэдлайн ужо зусім хутка, таму паспяшайцеся даслаць заяўку.
Даты правядзення: 12-13 кастрычніка (Гданьск, Польшча)
Тэма канфэрэнцыі: камунізм і “халодная вайна”.
На канфэрэнцыі будуць прадстаўнікі зь розных еўрапейскіх краін, прэзэнтацыі музэяў ахвяр камунізму і іншае. Сярод гасцей канфэрэнцыі плануюць быць выбітныя дзеячы польскай “Салідарнасьці” і знакаміты Лех Валенса, а таксама міністры розных краін Еўропы.
chris_gomel