chris_gomel

ВІНЬШУЮ шчыра з Днём Волі!!!

Да сустрэчы ўвечары ;) Апранайцеся цяплей ;)

- **** ****, ведаеце, 7 "А" так вар'яцеў учора, я ня ведала, як іх супакоіць!
- (задумліва) Асьцярожней трэба з гэтым 7 "А"... Там клас - адні "бэнээфаўцы": калі будзеце на іх крычаць - заснімуць на камеру і выкладуць у інтэрнэт!

* ... Спаўзаю пад стол!*

Дарэчы, пра інтэрнэт - так і ёсьць. Адзін кемлівы хлапец з гэтага класа наздымаў ладных мувікаў на мабілу, як на іх страшна аруць на ўроках кшталту "Снімі кольца, я сказала!!! Ты в гімназію прішла!!!"... Жэсьць проста.

... Мае шасьцікласьнікі падаравалі мне баговачку і павіньшавалі з Днём Сьвятога Валенціна!!!

ШчАСьЦе ;)

ЗЫ. Паехала ў Львоў.

Вось тут глядзіце мае фоты (акрамя апошніх чатырох) і вось тут палова маіх зьвестак як ад назіральніка.

Перапісваць ня маю ні часу, ні сіл, выбачайце :) Я мяркую, сутнасьць ад гэтага ня зьменіцца ;)

Чытайце. Проста ЧЫТАЙЦЕ! Чамусьці дагэтуль перад вачыма стаіць карцінка... Пазамінулай вясны.

Гурраааа!!!!
Цяпер у мяне ёсьць ЁН!!!!!!! А-а-а-а-аааа, нарэшце, нарэшце, НАРЭЭЭЭШЦЕ!!! ;)))))
Задаволеная, акі слон ;)))))

Ледзь не забылася! Бо дзеля мяне ўжо гэта вельмі звычайна))))

Сёньня роўна год, як я размаўляю па-беларуску!

Адзін з лепшых год у жыцьці. Унікальны пакуль што для мяне год. Так дзіўна, што адзін раптоўны крок можа цалкам зьмяніць сьветапогляд і ўнутраны сьвет. Нажаль, роднай усё роўна дзеля мяне застаецца расейская. Але толькі доўгая практыка дазволіць мне ведаць беларускую гэтак жа дасканала, як родную=зробіць яе сапраўды маёй роднай.

Дарэчы, ў мяне было дзьве "6" у атэстаце: па фізкультуры і па беларускай мове. Хто б тады сказаў...))

Продались ли белорусские рокеры властям?

Усе ўжо ў курсе, а для тых, хто ня ў курсе, скажу двума словамі: беларускія забароненыя музыкі пайшлі на дыялог з уладай і ім было прапанаванае супрацоўніцтва са зьняцьцём забароны на іх музыкі. Тыя пагадзіліся.

І тут у нэце пачынаюцца цёркі накшталт "ах, як яны маглі?! брыдка, крыўдна і вапшчэ...". Асабліва кранулі допісы кшталту "выдаляю іх музыку!". Вы што, з глузду паз'язжалі?? Вы слухалі музыку з-за палітыкі? Ці таму, што музыка добрая (+ забароненая! "крута"!) :(

Дык вось, Я ПАДТРЫМОЎВАЮ МУЗЫКАЎ, я б счапіла зубы і слухала б іх нават калі б яны пагадзіліся сьпяваць пад чырвона-зялёным!!! Таму што музыка ў іх НЕ ПРА ГЭТА і ўвогуле яна ПА-ЗА ПАЛІТЫКАЙ!!! Гэта дурноцьце! Нам усё адно прыйдзецца мірыцца з уладамі, калі мы так і ня здолеем нічога ў дзяржаве зьмяніць! І чаму б не пачаць сапраўдны дыялёг з музыкі? А вось з-за такіх "прынцыповых" і да магілы пакрыўджаных на Лу мы і сідзім дупай у дрыгве ўжо колькі год!!! Таму што здольнасьць ісьці на кампраміс - гэта якраз тое, чаго бракуе нашай афіцыйнай "апазіцыі".

.... Якая розьніца, пад якім сьцягам яны будуць на сцэне??? Слова БУДУЦЬ вырашае!!!

Сёньня я падала скаргу ў свой РАУС наконт парушэньня канстытуцыйнага праву на карыстаньне дзяржаўнай беларускай мовай. Прыйшла ў АГіМ з заявай на імя начальніка РАУСа. Трэслася пад дзьвярыма і тэлефанавала з удакладняючымі пытаньнямі юрыстам. Бо калі хвалююся, магу ляпнуць не тое, што насамрэч маю на ўвазе. Тут вырашыла ўзброіцца па-поўнай.

Заходжу ў кабінет.
- Добры дзень, ....! У мяне ўзьнікла такая праблема і я б хацела яе з вамі як-небудзь вырашыць.
- ??? Что, простите?
- Я кажу, што ўзьнікла праблема. Справа ў тым, што мне было адмоўлена ў запаўненьні заяву для дазваляльнага запісу запаўняць беларускаю... А потым было адмоўлена ў беларускамоўным блянку. Аргументавалі тым, што гэта незаконна. А вы як лічыце, ці законны дзеяньні вашых супрацоўнікаў?
- (задавоооленая такая ўсьмешка і зьдзекліва-зацікаўленыя вочы. Мля, каго саджаюць у дзярж. органы??!!) Дело в том, что у нас таких бланков нет. Это государственно установленный образец, не мы их делаем.
- Я разумею. Але ці лічыце вы, што гэта нармалёва? Вы ж дзяржаўны орган і вы абавязаны мець усе дакумэнты і блянкі на дзьвюх дзяржаўных мовах! Калі вы ня ведаеце, то існуе рашэньне Канстытуцыйнага суда на гэты конт. Чалавек запатрабаваў беларускамоўныя мытныя дэклярацыі на мяжы, і цяпер на ўсіх мытнях уводзяцца формы гэтых блянкаў на дзьвюх мовах!
- (паўза) Простите, а вы где учитесь?
- Беларускі Дзяржаўны Унівэрсітэт
- Ясно. Ответьте мне на один вопрос: что-то кардинально поменяется, еслі вы заполните эту форму по-белорусски?
- Ведаеце, гэта для мяне прынцыпова.
- Всё, вопросов к вам больше нет. Попадаются нам такие... "Прынцыповыя"...
- Так вы зьбіраецеся ўвогуле гэтую форму беларускамоўную ўводзіць?
- Знаете, с 1 января этот штамп вообще отменят...
- Ну, ладна. Вось (кладу на стол скаргу), перадайце гэта свайму начальніку. Я спадзяюся, атрымаецца гэта вырашыць спакойна і без суда.

Трындим по-белорусски!        Жупім па-беларуску!

 
Здоров, чувак!                                              Здароў, хватан/хватане!

Что за чувак, а?                                            Што за фацэт, га?

Как дела? Как житуха?                                Як маесься? Як жывоцьце?

Как учёба? - Нашёл, что вспомнить           Як вучыцца? - Не закідай ты мне пра гэта!

Достало/Вообще балдею!                            Зацерабіла/Чмурэю ўшчэнт!

Сечёшь в матане?                                        Цяміш у матусе/матане?

Как вам новый препод?                              Як вам новы выкладач?

Зверюга/Классный чувак (чувиха)!            Гіцаль/Лярва - Хвацкі(-ая) мужык/кабета!

Дзяўчыны садзяцца перад машынай, чым блякуюць яе рух

Моладзь актыўна карыстаецца сьвісткамі

Мілінкевіч і актывістка з Салігорску

Ведай нашых "герояў" у твар!!!

Вось так выглядаў Кастрычніцкі Пляц перад ЭМ

Вельмі ўразіў гэты мітынг. Вельмі змяшаныя пачуцьці. Але толькі станоўчыя. Справа ў тым, што я была на гэтым мітынгу назіральнікам ад БХК, таму я не змагла паўдзельнічаць у мітынгу паўнаварта: лозунгі, сьцягі і г.д. Колькі разоў хацелася таксама крыкнуць: "Жыве Беларусь!" ці параіць што-небудзь лідэрам шэсьця ці яго ўдзельнікам.

Адно я ведаю дакладна: Эўрапейскі марш быў насамрэч Эўрапейскім. Ну, не французскія студэнты, але ўсё ж :) І прашпект перакрылі, і яйкамі пакідаліся ў ворага, і пабіліся трошкі. Настрой на шэсьці быў насамрэч баявы, гэта адчувалася.

Вялічэзны рэспект уладам, як бы ні странна гэта гучала, і вось чаму:
•Кастрычніцкую НЕ перакрылі, і "інтрыга" адразу зьнікла. "Вось вам адкрыты пляц! А колькі ж вас? Тысяча??!" ...Напэўна, па той бок барыкад з'явіўся "крэатыўшчык"
 •Натоўп АМАПу не нагналі
•НІЯКІХ сілавых уздзеяньняў у дачыненьні да ўдзельнікаў Марша
•Прасілі па-добраму, шмат дзесяткаў разоў паўтаралі адну і тую ж па сэнсе фразу: "Не парушайце! Паводле заканадаўства, збор ля мэтро і ля пераходаў забаронены! Не выходзьце на праезжую частку!" і г.д. - прасілі - І ТОЛЬКІ!
•Наколькі мне вядома, затрыманьняў НЕ БЫЛО!
•ДАІ паводзіла сябе МАКСІМАЛЬНА далікатна, максімальна ветліва

Цяпер наконт апазіцыі:
•Мілінкевіч - не лідэр, ён самая сапраўдная размазьня, яму ніколі не атрымаць падтрымкі вось гэтай баявой моладзі, што дзейнічала сёньня максімальна дзёрзка і дзейсна. У моладзі хапае сваіх лідэраў, прычым яны нашмат разумнейшыя і дзейнічаюць вельмі моцна
•Сёньняшнія паводзіны моладзі выклікаюць супярэчлівыя пачуцьці. З аднаго боку (з майго, уласнага, чалавечага) - гэта было шыкоўна, я захапляюся імі, я паважаю іх, Малады фронт, БУНТ, Моладзь БНФ (?) - яны дзейнічалі проста супэр, так, як ніколі на маёй памяці ніхто на акцыях не дзейнічаў, я чула пра гэта толькі ў тэорыі, сёньня я пабачыла гэта на практыцы, на свае ўласныя вочы. Цяпер я ў іх упэўненая: яшчэ пару такіх "трэніровак" - і можна будзе НЕШТА РАБІЦЬ! Бо сёньня яны атрымалі вельмі каштоўны досьвед! Але як назіральнік я скажу толькі тое, што, у прынцыпу, так не павінна было быць, бо іх ніхто не крануў і пальцам (а колькі разоў яны нарываліся на канфлікт!), і, адпаведна, у дадзеным выпадку, парушальнікамі сёньня на вуліцы былі менавіта моладзь са сьцягамі ў руках. Я ўсё разумею, хацелася экшна, хацелася духу барацьбы. Але! Існуюць правілы, паводле якіх мусяць праводзіцца масавыя мерапрыемствы! Калі было так цяжка ісьці па ходніках, не абавязкова пры гэтым было правакаваць канфлікты з ДАІ, зрываць шапкі ў іх, сварыцца зь імі, сядаць перад коламі міліцэйскай машыны, каб заблякаваць яе рух і гэтак, і гэтак далей. Бо гэта прынамсі непрыгожа. З вамі па-эўрапейску, а вы ў адказ - як звычайна....

•ЧАМУ дапусьцілі такое, што частка людзей сабралася на Кастрычніцкай, частка - на Акадэміі, а потым, калі міма Акадэміі прайшла па праезжай ужо частцы калёна моладзі, астатняя частка да іх неяк далучацца не захацела. Вось не разумею я, што замінала дамовіцца загадзя пра супрацоўніцтва, бо змаганьне-та за адно і тое ж... Урэшце, частка людзей засталася на Акадэміі, там жа Мілінкевіч, які рахмана павёў людзей на Бангалёр... У той момант, калі моладзь перакрывала прашпект і ладзіла сабе сьвята па сваіх правілах...
•Трэба ўвесьці новы парадак: ісьці ад ускрайкаў гораду ў цэнтр. Бо ісьці ад цэнтра, а потым назад па тым жа маршруце было неяк нецікава...

Далей будуць фоты з камэнтарамі.

Цікава, што ж будзе.
Адно я ўжо зразумела дакладна: што людзі будуць паўсюль, а "сотцы" трэба ўжо ў такія дні зьмяніць рэжым руху на песпрыпынковы...
Людзі будуць у ГУМа.
Людзі будуць ля цырку.
Людзі будуць ісьці з Незалежнасьці.
Людзі будуць ісьці з Нямігі.
Людзі будуць чакаць на Акадэміі.

Хутка зьбіраюся і я.